Afturvendandi Tiltøk

Foreldrakaffi

Skipað foreldrakaffi er nakrar ferðir um árið inni á stovuni, har barnið gongur. Tá høvi er at hitta hini foreldrini. Eisini verður skipað fyri felagsforeldrakaffi í Bólinum. Annars eiga vit altíð ein kaffi/temunn á kannuni.

Jólahaldið

Jólahaldið er ein fríggjadag fyrst í desember mánaði fyri børnunum saman við foreldrum og systkjum. Vit hava ymisk verkstøð, dansa um jólatræið, fáa okkurt gott og jólamaðurin kemur á vitjan.

Føstulávint

Fríggjadagin áðrenn føstulávintsmánadag hava vit okkara føstulávintshald. Børnini koma grýluklødd, og vit sláa tunnu, dansa og syngja, fáa pylsur í staðin fyri matpakka og eta føstulavintsbollar til millummála.

Summarveitsla/Garðdagur

Ein fríggjadag um árið verður skipað fyri summarveitslu/garðdegi har foreldur, børn og starvsfólk hava tað stuttligt/arbeiða saman. Uppslag verður hongt upp tá tíðin nærkast.

Ommu- og abbadagur

Ein dag í mai mánað bjóða vit ommum og abbum til eina hugnaløtu.